कैलाली कारागारमा अझै जान सकेन प्रहरी प्रशासन

कैदीबन्दीबीच भएको झडपपछि प्रहरी अझै पनि कैलाली कारागार प्रवेश गर्न सकेको छैन । हिसात्मक घटनाको तेश्रो दिन आइतबार पनि कारागार कैदीबन्दीकै नियन्त्रणमा छ ।

हिंसात्मक झडपमा एक जनाको मृत्यु र ४७ जना घाइते भएपछि कैलाली कारागारमा नया जेलर आइसकेका छन्  । तर पनि अझै कारागारमा प्रहरी जान सकेको छैन । कैदीबन्दीहरुले भित्र प्रवेश गरेर गेटमा राखेको सिलिण्डर  पट्काएर आगो लगाइदिने धम्की दिएपछि प्रमुख जिल्ला अधिकारी र जिल्ला प्रहरी प्रमुखको कारागार जाने प्रयास सफल हुन सकेको थिएन ।

 तर, कैलालीका प्रमुख जिल्ला अधिकारी गोगनबहादुर हमाल कारागारको अवस्था सामान्य रहेको बताउँछन् । मानव अधिकारकर्मी, सुरक्षाकर्मी र जिल्ला प्रशासन कार्यालयको टोली कारागार प्रवेश गर्ने तयारीमा रहेको प्रजिअ हमाल बताउछन् ।

कैलाली कारागारका रहेका ब्लब ए र ब्लक बी का कैदी बन्दीबीच गत शुक्रवार भएको झडपमा कारागारमै रहेका धनगढी उपमहानगरपालिका–४ का भरत चौधरीको मृत्यु भएको थियो । र थुनुवा कक्ष नियन्त्रणमा लिएका थिए ।

 “प्रहरी र कैदीबन्दीबीच कुराकानी पनि भइसकेको छ । मानव अधिकार आयोगको टोली निरीक्षणका लागि जाँदै छ । अहिलेको अवस्था सामान्य छ,” हमालले भने ।