४२ घण्टापछि  कैलाली कारागार सुरक्षाकर्मीको नियन्त्रण

धनगढी । कैदीबन्दीले नियन्त्रणमा लिएको ४२ घण्टापछि प्रहरीेले कैलाली कारागार आप्mनो निण्न्त्रणमा लिएको  छ । राष्टिय मानव अधिकार आयोगको जनपद प्रहरी र सशस्त्र प्रहरीको टोली कारागार प्रवेश गरेर कारागारलाई नियनत्रणमा लिएको छ ।

कैदीबन्दीका दुई समूहबीचको झडपका कारण शनिबारदेखि तनावग्रस्त रहेको कारागारमा सुरक्षाकर्मीले बल प्रयोग गरेर भित्र प्रवेश गरेको हो । झडप पछि शनिबार नै प्रमुख जिल्ला अधिकारी गोगन हमाल सहतिको सुरक्षा टोली कारागार प्रवेस गर्न खोजे पनि कैदीले मुख्य गेटको भित्रबाट ताला लगाएका थिए । ताला खोले ग्याँस सिलिण्डर पड्काउने धम्कि दिएपछि प्रमुख जिल्ला अधिकारीको टोली फिर्ता भएको थियो ।

आइतबार अपरान्ह भने नेपाल प्रहरी र सशस्त्र प्रहरीको संयुक्त टोली मानव अधिकार प्रदेश कार्यालय, धनगढीको रोहवरमा कारागारभित्र हतियार सहित प्रवेश गरेको हो । कैदीबन्दीहरूले भित्रबाट ताला लगाउँदै थुनुवा कक्ष पुर्ण रूपमा आफ्नो नियन्त्रणमा लिएर कसैलाई प्रवेश गर्न दिएका थिएनन् ।

एक जनाको मृत्यु र ४९ जना घाइते हुने गरी हिंसात्मक घटना भएको ४० घण्टापछि पनि कारागारको स्थिति नियन्त्रणमा आउन सकेको थिएन । आइतबार वेलुका भने नेपाल प्रहरी र सशस्त्र प्रहरीको संयुक्त टोली कागारको ब्लक ‘ए’ र ब्लक ‘बी’मा प्रवेश गरी त्यहाँ भित्रको स्थितिबारे खोजतलास थालेका छन् ।

घटनापछि कागारमा कति कैदि छन् भन्ने एकिन समेत नभएको अवस्थामा सुरक्षाकर्मीले एकिन तथ्याङ्क संकलन    गरेको  छ । जिल्ला प्रहरी कार्यालय कैलालीका अनुसार कैलाली कारागारको ब्लक ‘ए’ मा तीन सय ९६ जना पुरुष रहेका छन् । त्यसैगरी ब्लक ‘बी’ मा एक सय ९८ पुरुष र  महिला ब्लकमा ५६ जना रहेका छन् ।