धनगढी पोष्ट शुक्रबार, १३ भदौ २०८२   August 29, 2025

कैलाली कन्चनपरमा लागु औषध सहित पाच जना पक्राउ

धनगढी ।  प्रहरीले आइतबार कैलाली र कञ्चनपुरबाट लागुऔषध सहित पाँच जनालाई पक्राउ गरेको छ । पक्राउ पर्नेमा कैलालीका दुई ठाउँबाट तीन जना र कञ्चनपुरको एक ठाउँबाट दुई जना रहेका छन् ।

कैलालीको बर्दगोरीया गाउँपालिका–४ पुरैनाताल सामुदायिक वन क्षेत्र नजिकबाट लागु औषध सेवन गरीरहेका दुई जनालाई सात ग्राम ब्राउनसुगरसहित पक्राउ गरिएको  जिल्ला प्रहरी कार्यालय कैलालीले जनाएको छ ।

प्रहरीका अनुसार पक्राउ पर्नेमा लम्कीचुहा नगरपालिका–६ गुलराका २७ वर्षीय शंकर जैशी र बर्दियाको गेरुवा गाउँपाािका–१ थापापुरका २४ वर्षीय किरण रावल रहेका छन् । 

कैलालीकै जानकी गाउँपालिका–१ दुर्गौलीबाट स्थानीय वासिन्दा  २७ वर्षीय क्षेत्रराज रावतलाई एक सय मिलिग्राम लागूऔषध खैरो हेरोइन पक्राउ परेका छन् ।

त्यस्तै कञ्चनपुरको बेलौरी नगरपालिका–१० सडकघाटबार्ट १० ग्राम पाँच सय ८० मिलिग्राम ब्राउनसुगर सहित दुई जना पक्राउ परेका छन् ।

कञ्चनपुरकै कृष्णपुर नगरपालिका–५ गुलरियाका २२ वर्षीय गणेश रावत र मोटरसाइकल पछाडी सवार सोही ठाउँका २५ वर्षीय टेकराम चौधरी पक्राउ परेका प्रहरीले जनाएको छ ।

 प्रहरीका अनुसार भारतबाट नेपालतर्फ आउँदै गरेको सुदूरपश्चिम प्रदेश ०२–००३ प ८२३१ नम्बरको मोटरसाइकललाई चेकजाँच गर्दा उनीहरु पक्राउ परेका हुन् ।