युवा शक्तिलाई नवप्रवर्तनसँग जोड्नुपर्छ : मुख्यमन्त्री शाह

सुदूरपश्चिम प्रदेशका मुख्यमन्त्री कमल बहादुर शाहले युवा शक्तिहरूलाई नवप्रवर्तनसँग जोड्नुपर्ने बताएका छन् ।

अन्तर्राष्ट्रिय युवा परिषद् २०२५ को उपलक्ष्यमा प्रदेश युवा परिषद्ले बर्दगोरियामा आयोजना गरेको कार्यक्रममा मुख्यमन्त्री शाहले नेपाली जनताको हक अधिकार स्थापित गर्ने आन्दोलनको नेतृत्व युवा वर्गले नै गरेको चर्चा गर्दै युवाहरुलाई रुपान्तरणको सद्भाव र परिवर्तनको सम्भाग भएकाले युवा लक्षित कार्यक्रम आवश्यक रहेको बताए ।

युवा वर्गलाई प्रदेशमै रोजगारी दिनका निमित्र् प्रदेश सरकारले युवा जनशक्तिलाई नवप्रवर्तन, स्टार्टअपका साथै सीप रोजगारी कार्यक्रम ल्याएको मुख्यमन्त्री शाहले बताए ।

साथै उनले युवा वर्गलाई लागू औषतको सम्बन्धि जानकारी दिनका लागि विभिन्न किसिमका जनचेतनामुलक कार्यक्रमहरु प्रदेश सरकारले सञ्चालन गरेको बताए ।

कार्यक्रममा मुख्यमन्त्री शाहले टिकापुरका अरुण लोहारलाई एकलाख आर्थिक सहयोग तथा वृद्धि बिकासमा समेत प्रदेश सरकारले सहयोग गर्ने बताए । लोहारले देशका विभिन्न स्थानहरुमा निःशुल्क खगोल विज्ञान सम्बन्धि क्रियाकलाप गर्दै आएका छन ।