धनगढी पोष्ट शुक्रबार, १३ भदौ २०८२   August 29, 2025

इजरायल पुगे विपिन जोशीकी आमा र बहिनी

धनगढी । प्यालेस्टिनी विद्रोही समूह हमासको कब्जामा रहेका कञ्चनपुरका विपिन जोशीकी आमा र बहिनी इजरायल पुगेका छन् । आमा पद्मा जोशी र बहिनी पुष्पा जोशी सोमबार इजरायल पुगेका हुन् ।

इजरायल पुगेर आमाले हमासलाई विपिनको रिहाइ गर्न माग गरेकी छन् । तेल अविवनजिकैको बेन गुरियन विमानस्थलमा उनले पत्रकारहरूसँग भनिन् कृपया मेरो छोरालाई उद्धार गरिदिनुहोस् । हमास, उसलाई अहिले नै घर फर्काउनुहोस्। कृपया, घर ल्याइदिनुहोस् । इजरायलको विमानस्थलमा पुगेपछि आमा र बहिनी भक्कानिएको टाइम्स अफ इजराइलले जनाएको छ । आमाको छोटो प्रतिक्रियापछि बहिनी पुष्पाले पनि आफ्नो दाइलाई घर फर्काइदिन आग्रह गरेकी थिइन् । हामी केवल उनलाई फर्काउन चाहन्छौं उनले भनिन् यो हाम्रो परिवारका लागि अत्यन्त पीडादायक भइसकेको छ । झन्डै दुई वर्ष भइसक्यो । हामी निरन्तर उनको अवस्थाबारे चिन्तित छौं उहाँ के गर्दै हुनुहुन्छ होला, खाना पाइरहनु भएको छ कि छैन,औषधि पाउनु भएको छ । कि छैन ।उनीहरूले इजरायलका राष्ट्रपति इसाक हेर्जोग, परराष्ट्रमन्त्री गिदेओन सार लगायतसँग भेट्ने कार्यक्रम रहेको छ ।

अध्ययनको क्रममा इजरायलमा रहेका विपिन इजरायल(हमास युद्धको क्रममा ७ अक्टोबर २०२३ मा अपहरणमा परेका थिए । हमासको कब्जामा रहेका उनको रिहाइको लागि सरकारले विभिन्न तबरबाट कूटनीतिक पहल चालेको भए पनि अहिलेसम्म सफल हुन सकेको छैन ।