धनगढी पोष्ट
बिहिबार, ०५ भदौ २०८२ मा प्रकाशित
धनगढी । सशस्त्र प्रहरी बलले कैलाली जिल्लाको कैलारी गाउपालिकामा हतियार सहित २ जनालाई पक्राउ गरेको छ । कैलारी गाउपालिका वडा नम्बर ५ बड्कीपलिया सीमा इलाकामा चेकजाचका क्रममा बिहीवार बिहान सवा दुई बजे दुई जनालाई पक्राउ गरिएको सशस्त्र प्रहरी बलले जनाएको छ ।
सशस्त्र प्रहरी बल ३४ नम्बर गणको टोलीले उनीहरुलाई पक्राउ गरेको हो । पक्राउन पर्नेमा कैलारी गाउँपालिका वडा नं. ३ बड्कामुडाका ६८ बर्षीय राम भरोसे डगौंरा थारु र कैलारी गाउपालिका वडा नं. छ गोवरैलाका ५७ बर्षीय जगदिश चौधरी रहेका छन् ।
उनीहरुबाट १ थान २ नाले बारबोर बन्दुक, सोही बन्दुकमा प्रयोग हुने ४ राउण्ड गोली बरामद गरिएको सशस्त्र प्रहरी बल ३६ नम्बर गणले जनाएको छ ।
सशस्त्र प्रहरी बल, नेपाल बि.ओ.पि. छोटीपलियाबाट खटिएको सशस्त्र प्रहरी बल नेपालको गस्ति टोलीले से १ प ९१८१ नं. को सुपर स्पेलेन्डर मोटरसाइकलमा शंका लागि चेकजाँच गर्दा मोटरसाइकल चालक मोटसाइकलमा सवार व्यक्तिबाट ती सामान बरामद गरेको हो ।
पक्राउ परेका व्यक्ति र बरामद सामान आवश्यक कारवाहीका लािग इलाका प्रहरी कार्यालय हसुलियालाई बुझाइएको सशस्त्र प्रहरीले जनाएको छ ।