सुदुरपश्चिममा आठ महिनामा २८८ जनामा डेंगु संक्रमण

धनगढी । आठ महिनामा सुदुरपश्चिम प्रदेशमा दुई सय ८८ जनामा डेङ्गी सङ्क्रमण भएको छ । प्रदेशका नौ वटै जिल्लामा डेंग संक्रमित भेटिएका छन् ।

प्रदेशमा सबै भन्दा बढी कैलाली जिल्लामा ६५ जनामा डेंगी संक्रमण भएको स्वास्थ्य निर्देशनालय दिपायलले जनाएको छ । 

स्वास्थ्य निर्देशनालयका अनुसार अछाममा ४१ र कञ्चनपुरमा ३२ जना, दार्चुलामा चार र बाजुरामा १८ जना, डडेल्धुरा, डोटी, बझाङ र बैतडीमा ८८ जना संक्रमित भएका छन् ।

दुई वर्षअघि डेङ्गीका कारण सुदूरपश्चिममा तीन जनाको मृत्यु भएको थियो । डेङ्गीको भाइरसबाट सङ्क्रमित एडिस एजिप्टाई जातको पोथी लामखुट्टेको टोकाइले यो रोग मान्छेमा सर्ने गर्दछ ।