भासुभीरमा खसेको पहिरो पञ्छाइयो, यातायात सुचारु

धनगढी । सुदूरपश्चिमको सात पहाडी जिल्ला जोड्ने भीमदत्त राजमार्ग अन्तर्गत भासुभिरमा खसेको पहिरो हटाईएको छ । दुई दिन देखीको लगातार वर्षाका कारण शुक्रबार दिउँसो साढे एक बजेतिर भासुभिरबाट खसेर पहिरो करिब २ घण्टापछि हटेको हो ।

नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय अत्तरियाका प्रमुख प्रहरी उपरिक्षक प्रेम बहादुर शाहीले पहिरो हटाएर यातायात सुचारु भैसकेको जानकारी दिए । राजमार्गमै पहिरो खस्दा यातायात सेवा पुर्ण रुपमा अवरुद्ध बनेको थियो । करिब २ घण्टापछि पहिरो हटाईएसँगै सवारी साधनहरु आ–आफ्नो गन्तव्यतिर प्रस्थान गरेको प्रहरी उपरिक्षक शाहीले बताए ।