गोदावरी–७ का दुई जनामा कोरोना संक्रमण

धनगढी

पछिल्लो २४ घण्टामा सेती प्रादेशिक अस्पतालका प्रयोगशालामा गरिएको परीक्षणमा दुई जनामा कोरोना संक्रमण देखिएको छ ।

सेती प्रादेशिक अस्पतालको प्रयोगशालमा ४ सय ३ जनाको स्वाब परीक्षण गर्दा गोदावरी नगरपालिकाको वडा नम्बर ७ का १९ र २२ बर्षका दुई पुरुषमा कोरोना संक्रमण देखिएको हो । अस्पतालका प्रमुख मडिकल सुपरिडेन्टेन्ट डा. हेमराज पाण्डेले जारी गरेको बिज्ञप्ति अनुसार हाल सम्म सेती अस्पतालमा मात्रै २० हजार १ सय ३८ जनाको स्वाब परीक्षण गरिएको छ । ती मध्ये १ हजार ५ सय ५७ जनामा कोरोना संक्रमण देखिएको छ । हिजो मात्रै सुदूरपश्चिम प्रदेशमा ८४ जना निको भएर अस्पतालहरुबाट डिस्चार्ज भएका छन् ।