घरमै लुकाइराखेको लागु औषध सहित छ जना पक्रिाउ

धनगढी । कन्चनपुरको कृष्णपुर नगरपालिकाबाट प्रहरीले घरमा लुकाइ राखेको अवस्थामा लागु औषध  ( खैरो हिरोइन )  सहित छ जनालाई पक्राउ गरेको छ । 

कृष्णपुर नगरपालिका  ५ गुलरियाका २१ बर्षीय गणेश बोहराको घरमा सोमवार साझ साढे सात बजे   खानतलासी गर्दा घरको ग्यालरीमा लुकाई छिपाई राखेको अवस्थामा ७ ग्राम ३४० मिलिग्राम लागुऔषध ९खैरो हेरोइन जस्तो देखिने धुलो पदार्थ ० फेला परेको सुदुरपश्चिम प्रदेशप्रहरी कार्यालय धनगढीले जनाएको छ ।

लागु औषध फेला परेपछि घर मालिक बोहरा र घर भित्र बसिरहेकासोही ठाउँका २३ वर्षीय मिलन भट्ट, २२ वर्षीय  रदम भट्ट, ३२ वर्षीय हर्क देउवा, २१ वर्षीय पारस जोशी र एकृष्णपुर  ६ का ३० वर्षीय गणेश बहादुर बिष्टलाई पक्राउ गरिएको प्रहरीले जनाएको छ ।

लागु औषध नियन्त्रण ब्युरो शाखा कार्यालय महेन्द्रनगर र  इलाका प्रहरी कार्यालय गुलरिया, कञ्चनपुरबाट संयुक्त रुपमा खटिएको प्रहरी टोलीले नियन्त्रणमा लिएको उनीहरुबारे  थप अनुसन्धान भईरहेको  प्रहरीे जनाएको छ ।

त्यस्तै, सोमबार नै दिउसो साढे तीन बजेको समयमा कैलालीको टीकापुर नगरपालिका खक्रौला भन्सार चेकपोष्ट नजीकै प्रहरीले लागु औषध सहित दुई जनालाई पक्राउ गरेको छ ।

शंका लागि चेकजाच गर्दा १ ग्राम ९९० मिलिग्राम लागुऔषध - खैरो हेरोइन _  सहित  बर्दिया, गेरुवा गाउपालिका  १ छापापुरका  २८ बर्षीय  धर्मेन्द्र आचार्य र सोही ठाउँका २९  वर्षीय आशिष नेपालीलाई पक्राउ गरिएको प्रहरीले जजाएको छ ।