हिमशिखरद्धारा शेयर सदस्यलाई सहकारी शिक्षा

धनगढी । हिमशिखर बहुउदेश्यीय सहकारी संस्था लिमिटेडले सहकारीका शेयर सदस्यहरुको लागि सहकारी शिक्षा संचालन गरेको छ । सहकारीका नयाँ शेयर लगेका सदस्यहरुलाई सहकारीका बारेमा जानकारी दिन सहकारी शिक्षा कार्यक्रम संचालन गरेको हो ।

शुक्रवार संचालन गरेको सहकारी शिक्षा कार्यक्रममा हिमिखरको नयाँ शेयर लिएका २५ जनाको सहभागिता रहेको थियो ।

नयाँ शेयर लिएका व्यक्तिहरुसँग सहकारीका बारेमा छलफल गर्न  कार्यक्रम आयोजना गरिएको हिमशिखर सहकारीका प्रवन्धक महेन्द्र शाहीले बताए ।  ‘सहकारी सदस्य केन्द्रित  संस्था हो ।  सहकारीका बारेमा सबै शेयर  सदस्यहरुलाई जानकारी हुन आवश्यक हुन्छ ।’ व्यवस्थापक शाही भन्छन्  ‘त्यसैले नयाँ शेयर लगेकाहरुलाई सहकारीको  अवस्था र सहकारीबाट लिन सकिने फाइदाका बारेमा जानकारी सहकारी शिक्षा संचालन गरेका हौं ।’

ऋणको आवश्यकता कसलाइ कतिखेर पर्छ भन्न नसकिने  बताउँदै प्रवन्धक शाहीले शेयर सदस्यहरुलाई आवश्यकताका आधारमा सहज र सुलभ रुपमा दुई तनि दिनमै ऋण उपलव्ध गराइने गरेको बताए ।

धनगढीमा केन्द्रिय कार्यालय रहेको सुदुरपश्चिमको अग्रणी हिमशिखर बहुउदेश्यीय सहकारीका  धनगढी, अत्तरिया, हसुलिया र बढैपुरमा सेवा केन्द्र रहेका छन् । पाँच हजा भन्दा बढी शेयर सदस्य रहेको  हिमशखिरमा आधा भन्दा बढी शेयर सदस्य महिला  रहेका छन् ।

सो अवसरमा हिमशिखरका ऋण बिभाग प्रमुख पदम सिंह बलायरले हिमशिखरले सदस्य केन्द्रित सेवामा नै जोड दिंदै आएको बताउँदै नयाँ कामको शुरुआत गर्न खोज्ने र  कामको दायरा बढाउन खोज्ने दुवैका लागि  सहयोग गर्दै आएको बताए ।

बलायरले सहकारीमा शेयर सदस्यहरु कारोवार गर्न पाउने र सहकारीको नाफामा पनि सहभागी हुने गरेको बताए । शेयर सदस्यहरुलाईद सदस्य हितकोष मार्फत सुविधाहरु उपलव्ध गराउँदै आएको समेत बलायरले बताए ।

सो अवसरमा नया शेयर सदस्यहरुलाई सहकारीका अध्यक्ष रोशन सिंह,  उपाध्यक्ष बिमल जोशी, कोषाध्यक्ष श्याम बिष्ट र प्रवन्धक महेन्द्र शाहीले प्रमाणपत्र बितरण गरेका थिए । कार्यक्रम संचालन हिमशिखरका धनगढी सेवा केन्द्रका प्रमुख दिल बहादुर कडायतले गरेका थिए ।