अछामका ३० सहित डडेल्धुरा अस्पतालमा ४७ जनामा कोरोना पुष्टि

धनगढी

  पछिल्लो २४ घण्टामा डडेल्धुरा अस्पतालको प्रयोगशालामा  गरीएको परीक्षणमा अछामका ३०  सहित सुदूरपश्चिममा थप ४७ जनामा कोरोना संक्रमण पुष्टि भएको छ ।

   बिहीबार डडेल्धुरा अस्पतालमा ३ सय ७० जनामा कोरोना परीक्षण गर्दा ४७ जनामा कोरोना पुष्टि भएको डडेल्धुरा अस्पतालका कोभिड–१९ परीक्षण प्रयोगशाला इन्चार्ज ईश्वरी प्रसाद भुषालले जानकारी दिए ।

  उनका अनुसार मेल्लेख गाउँपालिका अछामका १५ जना र साफेबगर नगरपालिका अछामकै १५ गरी ३० जनामा कोरोना संक्रमण पुष्टी भएको छ । यसै गरी डोटीको आदर्श गाउँपालिकाका १६ जनामा कोरोना संक्रमण पुष्टी भएको छ । आज नै गन्यापधुरा गाउँपालिका डडेल्धुराका १ जनामा पनि संक्रमण पुष्टि भएको प्रयोगशाला ईन्चार्ज भुषालले जानकारी दिए ।