कन्चनपुर जिल्लामा पनि आज राति १२ बजेदखि निषेधाज्ञा लागु हुने

महेन्द्रनगर

 कञ्चनपुर जिल्लामा आज (बिहीवार) राति १२ बजेदेखि निषेधाज्ञा लागु हुने भएको छ । कोरोनाको संक्रण बढिरहेको  र सुदुरपश्चिमेलीका चाडपर्व आइरहेको बेला प्रशासनले  भदौ १४ गते रातिसम्म निषेधाज्ञा जारी गरेको हो ।

  जिल्ला प्रशासन कार्यालय कैलालीले यसअघि नै बिहीवार रातिदेखि नै जिल्लाभारि  निषेधाज्ञा  लागु गरिसकेको छ । 

 निषेधाज्ञाको अवधिमा  अत्यावश्यक सेवा तथा वस्तु बाहेकका अन्य सबै प्रकारका उद्योग, व्यापार व्यवसाय सञ्चालन गर्न नपाईने गरी संक्रामिक रोग र स्थानीय प्रशासन ऐन अनुसार निषेधाज्ञा जारी गरिएको जिल्ला प्रशासन कार्यालय कन्चनपुरले जारी गरेको बिज्ञप्तिमा जनाइएको छ ।

 निषेधाज्ञाको अवधिमा सबै प्रकारका निजी तथा सार्वजनिक सवारी साधन जोर बिजोरका आधारमा सञ्चालन गर्न पाइने छ भने औषधि, खाद्यान्न, तरकारी, दुध, फलफूल, माछा, मासु लगायत अत्यावश्यक बस्तुहरु किन्न मात्रै सवारी साधन प्रयोग गर्न पाइने छन् ।

  बैंकिङ सेवा भर्चुअल वा विद्युतीय माध्यमबाट सेवा प्रवाह गर्ने र सम्भव नभए स्वास्थ्य सुरक्षाको मापदण्ड अनुसार न्यूनतम कर्मचारी उपस्थित गराई सेवा प्रवाह गर्न प्रशासनले निर्देशन दिएको छ ।