सुदुरपश्चिमका सबै भन्दा बढी कोरोना संक्रमित २० देखि २९ बर्ष उमेर समुहका

धनगढी

   सुदुरपश्चिममा सबै भन्दा बढी २० देखि २९ बर्ष उमेर समुहका व्यक्तिहरुमा कोरोना संक्रमण भएको छ । प्रदेशमा कोरोना संक्रमितको जम्मा संख्याको ४३ प्रतिशत यसै उमेर समुहको छ ।

   हालसम्म प्रदेशमा ५ हजार १ शय ४९ जनामा कोरोनाको संक्रमण भएको छ । स्वास्थ्य निर्देशनालयलदिपायलका अनजुसार प्रदेशमा  २० देखि २९ बर्ष उमेर समुहका कोरोना संक्रमितको संख्या २ हजार २ शय १७ रहेको  छ । 

   दोश्रो बढी संक्रमित हुने उमेर समुह ३० देखि ३० बर्ष उमेर समुह हो । यस उमेर समुहका ८ शय २२ पुरुष र २ शय ५१ महिला गरेर १ हजार ७३ जनामा कोरोना संक्रमण भएको छ ।

  त्यस्तै १० देखि १९ बर्ष उमेर समुहका ७ शय ५७ जनामा कोरोना संक्रमण भएको छ । जसमा पुरुष ५ शय २० जना र महिला १ शय ३७ जना रहेका छन् ।

   जन्मेदेखि ९ बर्ष उमेर समुहका पुरुष २ शय ६३ र महिला २ शय गरि ४ शय ६३ जनामा कोरोना संक्रमण भएको छ ।

   ४० देखि ४९ बर्ष उमेर समुहका ३ शय ५६ पुरुष र ८९ महलिा गरि ४ शय ४५ जना र ५० देखि ५९ बर्ष उमेर समुहका पुरुष १ शय ५० र महिला ३८ गरि १ शय ८८ जनामा कोरोना संक्रमण भएको छ । त्यस्तै ६० देखि ७० बर्ष उमेर समुहका पुरुष ५३ र महिला २८ गरि ८१ जनामा कोरोना संक्रमण भएको छ ।

    तर ८० देखि ८९ बर्ष उमेर समुह र ९० देखि ९९ बर्ष उमेर समुहका एक एक जनामा मात्र कोरोना संक्रमण भएको छ ।