बाँकेमा ५१ आर्मी सहित ७३ जना संक्रमित थपिए

नेपालगञ्ज

  बुधबार बाँकेमा ५१ जना नेपाली सेना सहित ७३ जनामा कोरोना संक्रमण पुष्टि भएको छ ।

  जिल्ला स्वास्थ्य कार्यालय, बाँकेका अधिकृत एवं कोरोना फोकल पर्सन नरेश श्रेष्ठले नेपालगञ्जमा २२ जना र कोहलपुरमा ५१ जनामा कोरोना संक्रमण देखिएको जानकारी दिए ।

   उनका अनुसार कोहलपुरमा कोरोना देखिएका ५१ जना कौशिलानगर ब्यारेकका नेपाली सेना हुन् । नेपालगञ्जमा कोरोना देखिएका २२ जनामा आठ जना नेपाल टेलिकमका कर्मचारी रहेका छन् ।  यो संगै बाँकेमा कोरोना संक्रमितको संख्या ९ सय १६ जना पुगेको छ ।