डडेल्धुरा प्रयोगशालामा बैतडीका १७ सहित १९ जनामा संक्रमण पुष्टि

धनगढी

 डडेल्धुरा अस्पताल कोभिड १९ प्रयोगशालामा आज गरिएको परिक्षणमा बैतडीका १७ सहित १९ जनामा संक्रमण पुष्टि भएको छ ।

 पछिल्लो २४ घण्टामा परिक्षण गरिएका ३ सय ४८ नमुना मध्य १९ जनामा संक्रमण पुष्टि भएको प्रयोगशाला ईन्चार्ज ईश्वरी प्रसाद भुषालले जानकारी दिए ।

  उनका अनुसार बैतडीको दशरथचन्द नगरपालिकाका ८ जना,मलौली नगरपालिकाका ३ जना,शिवनाथ गाउँपालिकाका ५ जना र डिलाशैनी गाउँपालिकाका एक जनामा संक्रमण पुष्टि भएको छ ।

 यसैगरी डोटीको जोरायल गाउँपालिकाका एक जना र बझाङको जयपृथ्वी नगरपालिकाका एक जनामा पनि संक्रमण पुष्टि भएको प्रयोगशाला ईन्चार्ज भुषालले जानकारी दिए ।