डडेल्धुराको परिक्षणमा बझाङको दुर्गाथलीका ४७ सहित ४९ जनामा संक्रमण पुष्टि

धनगढी

 डडेल्धुरा अस्पतालको प्रयोगशालामा आज गरिएको परिक्षणमा बझाङको दुर्गाथलीका ४७ सहित ४९ जनामा संक्रमण पुष्टि भएको छ ।

  प्रयोगशाला ईन्चार्ज ईश्वरीप्रसाद भुषालका अनुसार पछिल्लो २४ घण्टामा ३ सय ५७ नमुना परिक्षण गरिएकोमा ४९ को नतिजा पोजेटिभ आएको हो । उनका अनुसार संक्रमण पुष्टि भएका ४९ जनामा बझाङको दुर्थाथली गाउँपालिकाका ४७ जना र दार्चुलाका दुई जना रहेका छन् ।

  दार्चुलाका संक्रमण पुष्टि भएका दुई जनामा शैल्यशिखर नगरपालिकाका एक जना र  जिल्ला प्रहरी कार्यालयका एक जना प्रहरी रहेको प्रयोगशाला ईन्चार्ज भुषालले बताए ।