स्वेता ट्रेडिङ कन्सर्नद्धारा ‘नयाँ यामाहा रे जेडआर १२५ एफआई’ स्कुटर सार्बजनिक

धनगढी

  यामाहा कम्पनीको धनगढीका लागि  आधिकारीक बिक्रेता स्वेता ट्रेडिङ कन्सर्नले यामाहा नेपालले बजारमा ल्याएको नयाँ रे जेडआर १२५ एफआई स्कुटर धनगढीमा पनि सार्वजनिक गरेको छ ।

  शुक्रबार स्वेता ट्रेडिङमा एक कार्यक्रमका बिच कैलाली उद्योग वाणिज्य संघका महासचिब ओम बिष्ट र  गुड विल फाईनान्स धनगढीका मेनेजर अमर बहादुर बोगटीले संयुक्त रुपमा नयाँ स्कुटर सार्वजनिक गरेका हुन ।

कार्यक्रममा श्वेता ट्रेडिङका संचालक राजेश भण्डारीले  सार्बजनिकगरिएको स्कुटरका बारेमा जनकारी दिएका थिए । उनले शुक्रबार सार्बजनिक गरिएको स्कुटर यो सेग्मेन्टकै सबैभन्दा छिटो पिकअप लिने स्कुटर रहेको जसले मात्र ७.५९ सेकेन्डमा ६० किलोमिटर प्रति घन्टाको गति लिन सक्ने   बताए । साथै यसको माइलेज पनि सबैभन्दा बढी, ५८ किलोमिटर प्रति लिटर रहेको  र अन्य फिचरहरु पनि अघिल्लो रे जेडआरको भन्दा उत्कृष्ट बनाइएको संचालक भण्डारीले जानकारी दिए ।

यमाहा कम्पनीका प्रतिनिधि भानु चौधरीले यो नयाँ सार्वजनिक गरिएको १२५ सीसीको बीएस ६ कम्प्ल्यान्स यामाहामा प्याटेन्डेड ब्लुकोर एफआई प्रविधि सहितको इन्जिन लगाइएको बताए ।

  साथै यसमा अंग्रेजी अक्षर ‘वाई’ आकारको नयाँ एलईडी लाईट, नयाँ डिजिटल इन्स्ट्रयुमेन्ट क्लस्टर, स्टप एन्ड स्टार्ट सिस्टम, क्वाईट स्टार्टअपको लागि स्मार्ट मोटर जेनेरेटर, साइड स्ट्यान्ड इन्जिन कट–अफ स्विच र युनिफाइड ब्रेकिङ सिस्टम जस्ता आधुनिक र सुविधाजनक फिचर रहेका उनले जानकारी दिए । यसको वजन ९९ केजी मात्र रहेको छ जसले यसलाई १२५ सीसी स्कुटर सेग्मेन्टको सबैभन्दा हलुको स्कुटर बनाएको चौधरीले बताए । यसको मुल्य २ लाख ३४ हजार देखि २ लाख ५४ हजार सम्म रहेको स्वेता ट्रेडिङका संचालक राजेश भण्डारीले जानकारी दिए ।