देशलाई संकटबाट जोगाउन युवा एक हुनुपर्छ – मल्ल

धनगढी

  अनेरास्ववियूका पूर्व अध्यक्ष रमेश मल्लले बदलिदो राजनीतिक संकटबाट देशलाई संकट तर्फ जान नदिन युवाहरु एकजुट हुनुपर्ने बताएका छन् ।

 बुधबार धनगढीमा उपलब्ध युवा विद्यार्थी संग छलफल गर्दै उनले राजनीतिक तिक्तताले जनतामा निरासा छाएको र त्यसले लामो समयको त्याग पछि प्राप्त उपलब्धी समेत गुम्ने खतरा बढेको बताए । उनले प्राप्त उपलब्धीको रक्षा गर्दै जनतालाई निरास हुन नदिन युवाहरु एकजुट हुनपर्ने बताए ।

  प्रधानमन्त्री केपि ओलीले संघिय संसद भंग गरेपछि देखिएको विवादलाई मध्यजनर गरी भारतको चण्डिगढमा रहेका नेपाली संग छलफल गरी धनगढी फर्केका उनले बुधबार धनगढीमा युवासंग छलफल गरेका थिए ।

 उनले प्रधानमन्त्री केपि शर्मा ओलीको असंवैधानिक कदमका कारण देशमा गम्भिर संकट आइलागेको बताए । ‘अव देशमा शान्ति स्थायित्व कायम हुन्छ भन्ने हामीले ठुलो अपेक्षा गरेका थियौं’ उनले भने–‘तर प्रधानमन्त्री ओलीको असम्बैधानिक कदमका कारण देश दलदलमा फसेको छ, दलदलबाट माथी ल्याउन ओलीलाई एक्लाउनुको विकल्प  छैन ।’