युवा ब्यबसायी भण्डारीलाई ओलीले गरे केन्द्रिय सदस्यमा मनोनयन

धनगढी

   धनगढीका युवा ब्यबसायी एबं तत्कालिन एमालेको सुदूरपश्चिम प्रदेश उद्योग विभाग प्रमुख राजेश भण्डारीलाई नेकपा अध्यक्ष एबं प्रधानमन्त्री केपी ओलीले केन्द्रिय सदस्यमा मनोनयन गरेका छन् ।

  शुक्रबार ओली समुहको नेकपा सुदूरपश्चिमले आयोजना गरेको जनसभालाई सम्बोधन गर्न धनगढी पुगेका प्रधानमन्त्री ओलीले सभामा सम्बोधन गर्नु अघि कार्यकर्ता भेटघाटका क्रममा युवा ब्यबसायी राजेश भण्डारी र रोम स्वाँरलाई केन्द्रिय सदस्यमा मनोनयन गरेका हुन । दुबै जना यस अघि नेकपाको प्रदेश कमिटी सदस्य समेत रहेका थिए ।

 केन्द्रिय सदस्यमा मनोनयन भएका भण्डारीले आफु यस अघि नै नेकपामा रहेको र अहिले नेकपा फुटको नजिक रहेका वेला केपी ओलीको राष्ट्रप्रतिको ईमान्दारीता र विकास प्रतिको लगाव देखेर उनलाई  नै समर्थन गरेको बताए । नेकपा बिभाजन हुनु अघि भण्डारी र स्वार नेकपा नेता भीम रावल निकट थिए । अहिले नेता रावल भने प्रचण्ड–माधब समुहमा रहेका छन् ।