काँग्रेस संसद बिगठन बिरुद्ध राजनैतिक र कानुनी लडाइमा जाने

काठमाडौँ । नेपाली कांग्रेसले संसद विघटन विरुद्ध कानूनी र राजनीतिक लडाईँमा जाने निर्णय गरेको छ ।

सभापति शेरबहादुर देउवा निवासमा शनिबार बिहान बसेको कांग्रेस पदाधिकारी तथा पुर्व पदाधिकारीको बैठकले विघटन विरुद्ध अदालतको ढोका ढकढक्याउने तथा राजनीतिक रुपमा प्रतिवाद गर्ने निर्णय गरेको हो ।

बैठकाले शुक्रबार मध्यरातमा राष्ट्रपतिबाट भएको कदमको विरोध गरेको  र  सो  निर्णय विरुद्ध कानूनी र राजनीतिक लडाईँमा जाने निर्णय गरेको काँग्रेसका बष्रिठ नेता रामचन्द्र पौडेलले बताए ।

उनले सरकारका लागि दाबी प्रस्तुत गर्दा गर्दै सरकार गठनको आधार नदेखिएको भन्दै संसद नै भंग गर्नु असंवैधानिक रहेको ठहर कांग्रेसले गरेको बताए ।

कानूनी तथा राजनीतिक रुपमा प्रतिवाद गर्ने निर्णय पार्टीमा भएको र थप रणनीतिबारे विपक्षी दलसँगको संयुक्त बैठकमा छलफल हुने उनले बताए ।

राष्ट्रपति विद्यादेवी भण्डारीले शनिबार सबेरै प्रधानमन्त्रीको सिफारिसमा संसद भंग गरि आउँदो कात्तिक २६ र मंसिर ३ गतेका लागि मध्यावधि चुनाव घोषणा गरेकी छन् ।