प्याब्सनको सुदुरपश्चिम प्रदेश अध्यक्षमा पन्त

धनगढी । निजी तथा आवासीय   बिद्यालय अर्गनाइजेनश नेपाल (प्याब्सन) को सुदुरपश्चिम प्रदेश समितिको अध्यक्षमा ललितराज पन्त चयन भएका छन् । कन्चनपुरको महेन्द्रनगरमा भएको प्याब्सन सुदुरपश्चिमको तेश्रो अधिवेशनमा पन्तको अध्यक्षतामा  निर्विरोध कार्यसमिति चयन भएको हो ।

 पन्त धनगढी स्थित शारदा बिद्या निकेतन र वेष्टर्न क्रिष्टल एकेडेमीका सञ्चालन हुन् ।

 समितिको बरिष्ठ उपाध्यक्षमा   समरजंग बहादुर चन्द, उपाध्यक्षमा केशव दत्त भट्ट र डम्बर बहादुर सोडारी, सचिव यम प्रसाद भण्डारी, कोषाध्यक्ष भवान सिंह बिष्ट, सहसचिवमा चक्र बहादुर न्यौपाने र धर्मराज न्यौनाल चयन भएका छन्।

 त्यस्तै सदस्यमा निर्वाचित हुनेमा प्रेमवल्लब भट्ट, तर्कराज भट्टराई, भवानी प्रसाद भट्ट, लाल प्रसाद घिमिरे र बासुदेव भट्ट रहेका छन् ।