एमालेले पुरानौ तीन जनालाई सुदुरपश्चिमको मन्त्रीमा पठाउने

नेकपा एमालेले सुदूरपश्चिम प्रदेश सरकारमा पुराना तीन जनालाई नै मन्त्रीमा पठाउने भएको छ ।

पुरानालाई नै सरकारमा पठाउने सहमति भैसकेको र संसदिय दलको बैठकले  केही बेरमा निर्णय गर्ने एमालेका एक सांसदले बताए ।

एमालेबाट सुरेन्द्र पाल, वीरबहादुर थापा र हिरा सार्की मन्त्री र निर्मला साउदलाई राज्यमन्त्री बनाउने गरी नाम टुंगो लगाएको छ । पाल, थापा र सार्की गत जेठमा  दिर्घ बहादुर सोडारीको सरकारमा एमालेबाट मन्त्री बनेका थिए ।

सुदूरपश्चिममा एमालेले भौतिक पूर्वाधार विकास मन्त्रालय, भूमि व्यवस्था कृषि तथा सहकारी मन्त्रालय र आन्तरिक मामिला तथा काननु मन्त्रालय लिने सहमति भएको छ ।

 एमाले र कांग्रेसको समर्थनमा नेपाली कांग्रेसका कमलब बहादुर शाह आइतबार मुख्यमन्त्री बनेका थिए ।