भारतीय मालबाहक कन्टेनर सशस्त्र प्रहरीद्धारा नियन्त्रणमा

धनगढी । राजश्व अपचलनमा संलग्न भएको आशंकामा  सशस्त्र प्रहरी बलले भारतीय मालबाहक कन्टेनर नियन्त्रणमा लिएको छ । सशस्त्र प्रहरी बल सीमा सुरक्षा गुल्म त्रिनगरबाट  सशस्त्र प्रहरी नायब उपरीक्षक धिरेन्द्र शाहको कमाण्डमा खटिएको टोलीले मिलनचोकमा रोकिराखेको अवस्थामा भारतीय मालबाहक कन्टेनर नियन्त्रणमा लिएको हो ।

युपी ३२ एन ओ ७२९ नम्बरको उक्त मालबाहक कन्टेनर भारतबाट नेपाल प्रवेश गरी  साउन २५ गते कैलाली भन्सार कार्यालय, धनगढीमा भन्सार राजश्व तिरेको प्रज्ञापन पत्रका साथ धनगढी बजारतर्फ गइरहेको अवस्थामा रोकिइरहेको अवस्थामा नियन्त्रणमा लिइएको सशस्त्र प्रहरी बैद्यनाथ वाहिनी मुख्यालय कैलालीले वजाएको छ ।

थप अनुसन्धान तथा आवश्यक कारबाहीका लागि कन्टेनर र गाडीलाई सशस्त्र प्रहरी बल, नेपाल प्र. सी. सु. गुल्म त्रिनगरको च.नं. ३७ मिति २०८२ साउन २६ गतेको पत्र सहित राजश्व अनुसन्धान कार्यालय, कोहलपुर (बाँके) पठाइएको छ ।