कैलाली कारागार घटना छानबीन प्रतिवेदन :  उच्च स्तरिय अनुसन्धान आवश्यक छ

धनगढी । कैलाली कारागारमा कैदीबन्दीबीच भएको हिंसात्मक घटनाको अनुसन्धान गर्न गठित समितिले प्रतिवेदन बुझाएको छ । कैलालीका प्रमुख जिल्ला अधिकारी कृष्ण प्रसाद लम्साललाई बुझाइएको प्रतिवदनमा कारागारको  घटनाको सुक्ष्म र उच्चस्तरीय अनुसन्धानको आवश्यक रहेको रहेको सुझाव दिइएको छ ।

कैलालीका सहायक प्रमुख जिल्ला अधिकारी किरण जोशीको संयोजकत्वको अनुसन्धान टीमले बुझाएको प्रतिवेदनमा अपराध अनुसन्धानमा विशिष्ट खालको अनुभव र दक्षता प्राप्त सुरक्षाकर्मीको टोली मार्फत अनुसन्धान आवश्यक रहेको उल्लेख छ ।

छानबिन समितिका सदस्य सचिव समेत रहेका जिल्ला प्रशासन कार्यालयका प्रशासकीय अधिकृत शिवराज जोशीले बन्दीगृह प्रशासनमा प्रभुत्व जमाउने प्रयासका कारण कैदीबन्दीहरुबीच आपसी मतभेद सिर्जना गरेको देखिएको बताए । सोही कारण उनीहरुबीच विवाद हुने गरेको र अन्तस्त ः  उक्त विवादले हिंसात्सकस्थिति सिर्जना गरेको जोशीले बताए ।

कारागारभित्र रहेका सीसीटीभी फुटेज प्रष्ट नदेखिएकाले विश्लेषण गर्न नसकिएको जोशीले बताए ।